State nung COVID-19 dak sendakba tensa indang metetdaktsü

Dimapur, Aami/June 16 (TYO): Kezekie, Kohima nung aliba State Emergency Operation Centre COVID-19 Control room ajanga state nung June 16, 2020 nü Law & Order dak sendakba osang sangdonga liasü. Joint Secretary to the Government of Nagaland, Hiazu Meru-i sangdong nung ashiba agi, state nung tenokdangba balala agüja aliba nung aibelener aser Law & Order kübok tensa tamajung kechia meliasü.
Mokokchung dak alaka tanüngba district ajak nung jang-o-tzü, aonsotsü, mozü aser mamatzü ayokba dokan ajunga lapok aser state nung jang-o-tzü, aonsotsü, mamatzü mesüra mozü agi anüngba osang kecha mali, ta sangdong ajanga ashi.
Tongtipang osettsüset aser service agütsür, talisa electricity, telecom aser medical facility agütsür senzüsempongba nung tenokdangba magütsü aser tongtipang oset abenba aser e-commerce lemtsüba garitem sadema senzüdaktsü, ta ashi.
COVID-19 mechi tenokdangba agüja aliba ajanga tesem balala nung aayanga jajartem timtem ajura alir nem chiyongtsü aser tejenokdak tesemtem maneni achayangtsüdar. Iba dak sendakba nung active relief/shelter camp ka aser food camp ka lapoka lir, ta sangdong ajanga ashi.