Dimapur, June 16 (TYO): Zeliang People’s Organisation (ZPO) Nagaland-i Delimitation Commission of India dangi Peren District nung Assembly Constituency asem lemsatsü atema shidi ka züluogo.
ZPON ya Nagaland kübok Peren District nung Zeliang nunger tongti telok lir aser onoki delimitation maparen pelashishia agizüker, ta parnoki Chairperson, Justice Ranjana Prakash Desai dang shidi nung shia lir.
Nagaland nung tang Assembly Constituency tem lemsa aliba nung metokmeperi aika lir aser Delimitation Act, 2002-i nüngdakba ama Assembly Constituency tem lemsatsüla. Onoki Commission dak tamang akar aser Peren District nung Assembly Constituency asem lemzüktsütsü mepishir, ta ZPON-i metetdaktsü.
Tsünglanglen agüja aliba Jalukie Assembly Constituency ya Sub-Division ka lir aser Additional Deputy Commissioner kati ketdangsüa repranger, ta parnokisa ashi.
Nagaland nung ali kibur inyaksangshia aruba ama, tsürabur aser tanurtem aliba lokti Assembly Constituency ana küma melemsatsüla saka ka küma lokteptsüla ta ZPO-isa Delimitation Commission dang ashi.
Sl. No. Name of Assembly Constituency Population as per Census 2001 Remark
- Jalukie 27523 Being proposed
- No. 6 Tening AC 33682 Existing
- No. 7 Peren AC 29561 Existing
You must be logged in to post a comment Login