Peren District COVID-19 Task Force senden menogo

Dimapur, Aami/June 17 (TYO): June 17 nü customary court, ADC office Jalukie Peren District COVID-19 Task Force senden ka menogo. Iba senden ya ADC Jalukie, Dr. Tinojongshi Chang lenisüba kübok amen, kong COVID-19, Joint Action Committee (JAC) züngsemtem densema liasü.
Anogo ka ana tsüngda Chennai nungi meyipa arurtem anogo 28 quarantine mapang tembangtsü alinung, board züngsemtemi mapang talangka sensaksemba sülen quarantine centre tem nungi parnok indang sample tem tanaben bendenshitsü aser Trunat Machine nung tendangtsü telemtetba agi. Züngsemtemisa, yimtsüng/ward Councils tem dang Chennai nungi arurtem District Administration-i achaayanga aliba quarantine centre tem nungi yokba sülen pei lokti quarantine centre tem nung ano anogo 14 ayutsü asoshi tuyutsü telemtetba agi.
Maneni tetsür 9 aser tebur 5, shirnok exempted category-i aiter, parnok dak sendakba nung züngsemtemi sensaksemogo aser DTF aser JAC-i parnok ajak pei Sub-division-i meyok tsüngda address tejangja bendena yur yoktsü telemtetba agi.