Manipur sorkar loksatsü tia ka ajurua lir

Imphal, June 17 (Agencies): Manipur nung BJP MLA asemi party toktsür Congress nung adenba aser ano MLA 6-i sorkar meyaritsü lemtetba ajanga N Biren Singh-i aniba BJP sorkar loksatsüsa tia ka ajuruogo.
BJP-i aniba sorkar den meyariteptsü lemtetertem rongnung National People’s Party (NPP) MLA 4, Trinamool MLA ka aser Jiribam nungi independent MLA ka dena lir.
2017 küm Manipur assembly elections nung telok kati danga sorkar akümtsüsa menden peria mongutet. Iba election nung Congress MLA 28-i takok nguteta single largest party aküm. Külen, BJP-i menden 21 nung takok angu aser Naga Peoples Front (NPF) aser National People’s Party (NPP)-i menden pezüzü nung angu. Maneni, Lokjanshakti Party, Trinamool Congress aser Independent nungi candidate kakai takok nguteta liasü.
Manipur Governor, Najma Heptulla-i sorkar akümtsü atema BJP jaok aser BJP-i non-Congress MLA ajak parnok den yariteptsü atema jembitep.
Maneni, Andro assembly constituency nungi Congress MLA Shyamkumar Singh-ia party toktsür BJP nung aden.