Lengrijan Village Council ajanga metetdaktsür

Dimapur, Chiteni/July 01 (TYO): Nüburtem kümzüka alitsü mechi Lengrijan nung aliba kilen ajak dang kima nung “NO MASK NO ENTRY” zülua ayutsü metetdaktsür, ta Lengrijan Village Council sangdong ka ajanga ashi.
Maneni Lengrijan den sendaktepba entry point ajak nung “NO MASK NO ENTRY” banner inoka ayutsü lemtetogo aser Lengrijan telungzük nung lenmang tezülen shishilembatsü (foot-path vendors) memelatsü. Iba totuyuba nung aibelener nem Lengrijan Village Council ajanga temerenshi agütsütsü aser senchi achitsü, ta kasa sangdong ajanga ashi.