Assam Rifles-i maneni shilem tajung agidar

Dimapur, Chiteni/July 06, 2020 (TYO): Nagaland arrtsülen aliba yimtsüng balala nung nüngdakbapurtem nem teyari agütsütsü nükjidong nung, July 04, 2020 nü HQ IGAR (N) kübok Kiphire Battalion Assam Rifles-i Tuensang District, Nagaland indang Pang, Thoktsur aser Chiphur yimtsüngtem nung ‘Umbrella Campaign’ ayongzüka agiogo.
Iba mapang, Assam Rifles-i ‘Social Distancing’ ozüng nung anidaka, item yimtsüngtem nung alir matamabensar/tangar memenep, amitsür, tantsü-tambu aser sensakertem nem anüshi lema agütsü. Iba den külemi COVID-19 dak sendakba tetuyubatem aser ozüng nung anidaktsü atema Assam Rifles-isa yimertem ajungshia liasü.
Maneni, alima ajunga asüngba COVID-19 wara anema raraba maparen nung yakpang ser inyaker – Health Worker tem nüngittsü nükjidong nung, HQ IGAR (North) kübok Mokokchung Battalion indang Assam Rifles-i District Administration, Mokokchung nem PPE (Personal Protective Equipment) kits 50 tenla agütsüogo.