Peren Sub-Division kübok tashidak agi menentsür aliba tesemtem sangdonger

Peren, Chiteni/July 06, 2020 (TYO): COVID-19 prokba azüoktsü aser iba den külemi Mpai (New) village Community Quarantine Centre aser Kezanglwa village Community Quarantine Centre nung Quarantine asütsü atema yokertem dak iba tashidak tejangja putetba dak sendakba nung, Peren Sadar tesem kübok tekalen agüja aliba tesem ana ya tashidak agi menentsüba tesemtem (Containment Zones), ta Hokolbarnü (03.07.2020) Peren ADC, Moa Sangtam-i sangdongogo.
Containment zone ana indang ya nüburtem danga metetdaktsütsü aser iba den külemi Sorkar ajanga agütsüba Standard Operating Procedure (SOP) dak sendakba nung anidaktsü asoshi, ADC-isa village council tem dang tetuyuba agütsüogo, ta sangdong ajanga metetdaktsü.