NSCN-i AR inyakyim aitsü

Tseminyu, Chiteni/July 6 (TYO): Major RK Tahir lenisüba kübok 40th Assam Rifles E Company-i, nisung aputsü asoshi kuli kecha makai NSCN züngsemtem apuba atema Rengma Region-i aitsüogo.
Assam Rifles-i mapangshia parnoki mulungba tesemtem nung ceasefire kübok tenangzüktepba raksar. Tang parnoki Tseminyu dak rangloker inyakogo. 40th AR puri iba amala maparen benoka inyakba atema kanga sasaa bilemer.
Temulungmelemtep adokdaktsüba aser senzüka toktsüba ajanga yimjung inyakyim nung teyari magütsütsü, saka jila nung mepetmesü adokdaktsüba aser iba tesem nung yimjung minprongba atema AR pur inyakyim-ang tali nema ludaktsütsü, ta Rengma Region Secretary-i sangdong ka ajanga metetdaktsü.