Principal Secretary tetuyuba agütsü

Dimapur, Chiteni/July 6 (TYO): Principal Secretary Abhijit Sinha IAS-i, office sangdong ka ajanga, Independence Day 2020 amungba nü Chief Minister onük nung inoktsü asoshi department indang osang agütsütsü asoshi tetuyuba agütsüogo.
State sorkar kübok department balalai osang agütsüba dak ajemdaker Home department-i onük yanglutsü.
Tetuyuba nungsa department ajak dang parnok osangtem pei Administrative Heads of Departments ajanga benoktsü, aser osang ya department-i onük nung koma adokdaktsüner, yamaji zülur yoktsü tuyuogo.
Paisa, osang ya kanga talang masütsüla saka department-i ajangtetba maparen tongtibangtem indang osang aser taruba küm atema sentong balala indang osang tejangja agütsütsüla, ta ashi. Iba tezüluba osang ya July 10 tashi nungbo CD (soft copy) ka densema benoktsü asoshi paisa metetdaktsüogo.