COVID-19 Nagaland: Nisung 625 nungi 243 taneptsü nguogo

Kohima, July 6 (TYO): Hombarnü nisung 35 dak COVID-19 putetba züngsema Nagaland nung nisung 600 dak tema kümogo.
“Sample 368 tendangba nungi 32 nung COVID-19 putetogo. Iba ya ajanga nisung ajak agi 625 kümogo” ta Health & Family Welfare Minister, S Pangnyu Phom-i metetdaktsü.
Tanü putetertem rongnung Mon nungi nisung 20 aser Dimapur nungi 15 lir, ta paisa ashi.
“COVID-19 puteta alirtem rongnung Kohima nungi nisung 10 aser Tuensang nungi nisung 2 dak negative putet aser parnok züngsema taneptsü angur 243 kümogo” ta Integrated Disease Surveillance Programme atema State Nodal Officer, Dr Nyan Kikon-i ashi.
Tang nisung 382 tashi mozü ki balala nung anepaludar, ta Dr Nyan-isa ashi.
Nagaland nung COVID-19 putetba district telemsa: Dimapur – 213, Peren – 184, Kohima – 124, Mon – 62, Tuensang – 27, Phek – 9, Zunheboto – 4 aser Mokokchung – 2.
District asem- Kiphire, Longleng aser Wokha nungbo nisung ka dak danga COVID-19 putetba osang kecha mali.
Tang nisung 382 tashi mozü ki balala nung anepalubaji Peren nung 167, Kohima nung 66, Mon nung 62, Dimapur nung 56, Tuensang nung 20, Phek nung 8, Mokokchung nung 2 aser Zunheboto nung 1 lir.
Maneni, taneptsü angur 243 ji Dimapur nung 157, Kohima nung 58, Peren nung 17, Tuensang nung 7, Zunheboto nung 3 aser Phek nung 1 lir.
Tanü tashi nung sample 13, 759 tendangtsü agütsüba nungi 13,180 indang osang nguogo, ta Principal Secretary Home-i metetdaktsü.
Sample 13,180 nungi 8,529 ji BSL-3 lab, NHAK nung tendangdang 451 nung COVID-19 putetogo.
Maneni, Truenat machine ajanga sample 7,454 tendangba nungi 7,090 negative ta putet 208 positive ta putetba RT-PCR ajanga jangjashitsü agütsüogo, ta Principal Secretary Home-isa ashi.

BENGALURU NUNGI NAGA NUNGER 500 SHI ARUDAR
Nagaland nung nisung 3,807 tashi Facility Quarantine nung mongdar, ta paisa shisem.
Karnataka kübok Bengaluru nungi tanü train ka apusogo aser iba train ji July 9, 2020 nü Dimapur atongtsü imlar. Iba train nung Nagaland nungi nisung 500 den tanga North East State tem nungi nisungtem arur, ta Principal Secretary Home-isa metetdaktsü.