ENPO-i tatok agütsüba sorkari pelaa agizüker

Kohima, July 11, 2020 (TYO): May 26 Tuensang tatalokba atema Eastern Nagaland People’s Organisation (ENPO)-i state sorkar nem tatok agütsüba pelashishia agizüker ta Nagaland sorkari metetdaktsüogo.
Iba osang ya Planning & Coordination, Land Revenue & Parliamentary Affairs Minister, Neiba Kronu-i ashi.
“ENPO-i kanga dang shisa kaa sorkari mepishiba angatet aser tatoktsü agütsütsü lemtetba atema tenüngsang agütsür” ta paisa shisem.
Minister Neiba Kronu ya COVID-19 atema sorkar otongdar lir aser pai sorkar tenüng nung “onoki teti ajak indang khurettem angatettsü aser state ajungtsü atema külemi inyaktsü” ta ashi.