Wokha nung CMO office aser PWD kiyong nung ki ka shibangtsü

Dimapur, Luroi/August 3 (TYO): Chief Medical Officer Office (CMO), Wokha aser PWD kiyong nung ki ka (GB.H/NO.66) shibangtsüogo.
Deputy Commissioner & Chairman District Task Force for COVID-19, Orenthung Lotha-i, Disaster Management Act, 2005 kübok Section 30 (1), (2) nung pa nem agüja aliba tashi amshia, aser district nung Covid-19 tashidak prokshia aoba nokdangtsü asoshi August 3 nü jongdak senden ka amenba mapang iba telemtetba agia liasü.
CMO Office Wokha nung inyaker PWD Colony, Wokha nung alir ka dak COVID-19 tashidak potetba sülen, COVID-19 tashidak prokshia meyoktsü asoshi tetuyuba balala agüja aliba dak ajemdaker, Deputy Commissioner & Chairman District Task Force-i CMO office aser PWD colony nung ki ka ya ghonda 72 shibanga ayutsü asoshi tetuyuba agüja liasü.