Healthcare worker tem nokdangra merenshitsü: Dimapur DC

Dimapur, August 3 (TYO): Dimapur nung kija/telok kari Health care worker tem mapa inyakba sülen pei pei talidak/kiyongi marudaktsüi noktangba osang angashiogo, ta Dimapur Anoop Khinchi-i metetdaktsü.
COVID-19 anema rara nung nisung ajaki yatiteptsüla. Anungji sorkari tetuyuba agütsüba anema kija/telok kari danga nüngdak maliba tetuyubatem agütsüra, ozüngi merenshitsü, ta Dimapur DC-i ashi.
Iba tetuyuba alema inyakertem Epidemic Diseases Act, 1897 nung Arrla 3 aser Indian Penal Code (IPC) nung Arrla 188 kübok merenshitsü, ta Anoop Khinchip-isa metetdaktsüogo.