COVID-19 ajanga asürtem mesenmetua mamshitsüla

Dimapur, August 3 (TYO): Directorate of Health & Family Welfare-i Hombarnü COVID-19 agi shiranga asürtem mang benshitsü atema temetettsü kar sangdongogo.
COVID-19 agi shiranga asüba mang nungi virus memenatsü, kechiyong mangji leak proof body bag nung alepbangba sülen süngden nung enoker, ta parnoki ashi.
Frontline worker temi mang kanga junga renema süngden nung enoktsüba sülen tasür kinunger ket nung agütsür aser ibaji teti inyaka aruba ama aremtsü mesüra rongdoktsü akok, ta Directorate of H&FW-isa metetdaktsüogo.
Tasümang süngden amshidang aser asüpila sentong nung mask enoktsüla, nisung o nisung tsüngda tepila ayutsüla aser teka metsüktsüla, ta parnokisa ashi.
Mangji aremba mesüra rongdokba sülenbo temang mesüra temeket atema timtem kecha bener marutsür, ta ta Directorate of H&FW-isa shisem.