Hornbill Festival-i V-Rox Festival den tesentaktep yanglu

Dimapur, August 3 (Agencies): Nagaland nung Hornbill Festival-i Russia kübok Vladivostok nung amongba V-Rox Festival den tesentaktep yangluogo.
“August 3, 2020 nü Vladivostok, Russia aser Hornbill Music festival, Nagaland tsüngda festival partners asütsü tenangzüktep agiogo. Tarutsü anogotem benjung ana tsüngda kentenba, sobaliba aser art sayuteptsü tema sabangtem aser lenmangtem bushiteptsü” ta tanü külem sangdong ka nung metetdaktsü.
“V-Rox Festival – Vladivostok, Russia aser Hornbill Music Festival Nagaland, India tsüngda festival partners asüba osang angashia kanga pelar” ta Nagaland Chief Minister Neiphiu Rio-ia Twitter nung metetdaktsü.
“Iba tepela osang angashia tenüngsang agütsür aser iba tesentaktep ajanga linük ana tsüngda kentenba, sobaliba aser art sayuteptsü imlar” ta Rio-isa ashi.
COVID-19 wara tonga aliba ajanga takümbo anogo 10 amongba Hornbill Festival athitsü ama bilemer.