Longleng DC-i metetdaktsür

Longleng, Mongputeni/October 09, 2020 (TYO): Judicial quarter, Leinak ward (Noklangkong) Longleng nung alir ka dak COVID-19 positive tejangja putetba ajanga, nübur tsüngda iba tashidak prokba/menatepba azüoktsü aser tashidak tsüngsü bushitsü atema, sangdongba anogo (09.10.2020) nungi tenzüka ghonda 48 tashi iba ki shibangtsür, ta Longleng Deputy Commissioner-i metetdaktsü.
Shibangtsüba tesem temüket aser telungtet nung nisung/gari tem senzüsenbongtsü nokdanger aser osang agütsüba anogo nungi tenzüka active surveillance kübok iba tesem mittsü, ta DC-isa metetdaktsüogo.