COVID-19 Nagaland: Nisung 152 dak puteta 6,888 kümogo

Kohima, October 9 (TYO): Hokolbarnü Nagaland nung armed force nungi nisung 24 dena 152 dak COVID-19 aliba putetogo. Parnok züngsema nisung ajak agi 6,888 kümogo.
“Hokolbarnü nisung 152 dak COVID-19 putet. Parnokji Dimapur nung 133, Kohima nung 15 aser Peren, Mon, Longleng o Mokokchung nung kaka (1) lir” ta Health & Family Welfare Minister, S Pangnyu Phom-i metetdaktsü.
“Tanü Nagaland nung COVID-19 agi shiranger nisung 92 tashi taneptsü angu. Parnokji
Dimapur nungi 73, Kohima nungi 10 aser Tuensang nungi 9 lir” ta Health Department nung Additional Director, Dr Denis Hangsing-i ashi.
Nisung 6,888 nungi parnok 5,602 taneptsü nguogo aser 1,209 anepaludar, ta paisa ashi.
“Nagaland nung COVID-10 puteta alir nisung 23 süogo, saka tasür 12 dang coronavirus agi asü aser 5 tanga timtem ajanga asü. Tang nisung 6 asüba kuli bushitepdar” ta Dr Hangsing-isa metetdaktsü.
Nagaland nung COVID-19 aliba puteter nisung 54 tashi tanga state temi ogo. COVID-19 agi shiranger taneptsü angubaji 81.32% lir, ta paisa shisem.
Nisung 6,888 dak putetba nungi armed personnel 3,178, tanga state tem nungi arur 1,545, Traced Contacts 1,802 aser Frontline Workers 363 lir, ta Dr Hangsing-isa ashi.
District balala nung putetba: Dimapur (3,670), Kohima (2,165), Mon (396), Peren (284), Zunheboto (123), Tuensang (108), Mokokchung (56), Phek (36), Wokha (26) aser Kiphire o Longleng nung teranana (12).
Tang anepalurtem: Dimapur (799), Kohima (279), Mon (82), Tuensang (22), Mokokchung (12), Peren (12), Longleng (2) aser Phek (1).
Taneptsü angurtem: Dimapur (2,821), Kohima (1,877), Mon (305), Peren (272), Zunheboto (120), Tuensang (86), Mokokchung (44), Phek (35), Wokha (26), Kiphire (12) aser Longleng (4).
“Nagaland nung COVID-19 alitsü akok ta temulung melemi bilemba sample 84,777 tashi tendangogo,” ta Additional Director, Dr Denis Hangsing-i ashi.