LTM & Tongpang Ozükümi mang ayimer

Kohima, Nov. 20 (TYO) : Kohima nung Health & Family Welfare Directorate nung Senior Research Officer, Wb.Nokojungba Ozüküm anojungi iba lima nungi pilaba aoba asoshi kang jashia bilemer aser asür kinungertem den külemi ozü kibonga mangyim nung adener ta Nagaland PWD kilonser Wb.Tongpang Ozükümi metetdaktsüogo.
Pa ya mapang tatsüka temang mejungi arur tanü Naga Hospital Kohima nung mekümzükteti süa adok. Pa ya pei mapa nung ochishia bendanga agüja inyakba aser temeim aketba nisung ka liasü. Pai alima nung akümlirtem asoshi tatishitsü tajung yutsür ogo ta kilonserisa asür nüng sanga metetdaktsü.
Tsüngremi pai toktsür aoba kinungtsü aser tanurtem aser kinungertem ajak nem tesünep aser tasü tait tanüla agüjangma ta paisa sarasadema metetdaktsü.
Asür Wb.Nokojungba ya Langpangkong Senso Telongjem Kohima nung tir liasü. Pa asüba osang angashia, Langpangkong Tzükong Mungdang-i kanga sasaba osang ka metetdaktsüogo. “LTM-i asür kibong den mangyim jashi lemsateper aser Tsüngremi asür tanüla teti tatem makadak tesünep nung anisüngzüka yujangma,” ta LTM tiri sarasadema metetdaktsü.