NSCN/GPRN (Reformation) ajanga Terhunyi salem lemsatep

Dimapur, Luchii/December 09 (TYO): NSCN/GPRN (Reformation) ajanga Angami Naga nunger den Terhunyi salem lemsatepa liasü.
NSCN/GPRN (Reformation) indang MIP sangdong ka ajanga ashiba agi, Angami Naga nungeri benjong aika amunger aser item rongnung Terhunyi ya ka lir, koba December ita takum tajung aser alu junga aruba atema Tsüngrem nem tenüngsang agütsüba benjong ka lir. Asen Angami adianu aser adianutsürtemi Terhunyi benjong amungba mapang nüburtem rongnung ka ama angatetba, lungjemshiba, tatok agütsütetba, tazüokba, tesunep aser yimjiyimjung tanüla maneni lidakjang, ta sangdong ajanga ashi.
Parnok madak tajung Tsüngremi maneni Pa temeim, taochi aser temoatsü agüjangma, ta sangdong ajangasa ashi.