ANCSU aser ENCSU-i scholarship atema pelar

Dimapur, December 9 (TYO): Nagaland state sorkar aser Department of Higher Education-i kaketshir nem scholarship agütsütsü nangzükba atema kanga pelar, ta All Nagaland College Students’ Union (ANCSU) aser Eastern Nagaland College Students’ Union (ENCSU)-i metetdaktsüogo.
Department of Higher Education-i 2019-2020 atema Post Matric Scholarship ST indang 2nd aser Final Installment agütsütsü shiogo. Iba atema Directorate indang website highereducation.nagaland.gov.in nung scholarship angutsüpurtem indang tenüngtem agüja lir, ta ANCSU & ENCSU külem sangdong ka nung ashi.
December 17, 2020 tashi nung beneficiary list nung alirtemi scholarship mengura, tsünglanglen agüja alidaki pa/la indang temetettsü den beneficiary list indang serial number yoktsü metetdaktsür, ta parnokisa ashi.
Com. Programmer : 7005405552, OSD (Scho) : 9615021554, Email : query.hescholarship@gmail.com