Ablaze, Quasars, Kigwema & Senapati nunger 2 buba round-i iogo

Senapati FC aser Pereizie XI asayartemi Kohima Local Ground nung tanü Brehostibar nü toktepa asayaba noksa nung angur. (Kohima, September 24)

Kohima, September 24 (TYO): Ablaze FC, Quasars Club, Kigwema Students Union aser Senapati FC Manipur nungeri tanü Brehostibar nü takok ngua tang tasayadak NSF asayamong tanabuba round asayatsü jenjang nguogo.
Tanü mezüngbuba asaya tenzüker minute 7 buba nung Nouneneilie Rino-i goal 1 agüja par Vanguard FC telok temaba jenjang nung ajungkettsü saka Ablaze teloki minute 35 buba aser asaya tanabuba shilem na nung goal 2 tashi agütsüba yong par teloki mezüngbuba asayaji goal 2-1 agi kokadok.
Quasars captain, Benchamo-i minute 23 buba aser Spartans FC asayar, Nikaho Awomi-i minute 40 buba nung goal ka ka agüja par telok anapronglai kasa jenjang ngua asaya draw nung tembang saka tiebreaker metsütepa sülen Quasers teloki tanü tanabuba asayaji akok.
Kigwema telokia tanü goal 5-0 agi Model Christian College telok tasembuba asaya nung tsükdaktsü.
Shürhotolie Pfükha-i asaya tenzüker minute 15, 34 aser 52 buba nung goal 3 tashi agüja tan asayamong nung hat-trick yanglur asayar 6 buba akümba den külemi, külem asayar, Zhazoto Sale aser Kuzole Phira natia minute 28 aser 42 buba na nung goal ka ka agütsüba yong par Kigwema teloki tanü takok angu.
Senapati captain, Koveo; Mayon aser H. Vareiyang nungeri asaya tenzüker minute 3, 65 aser 72 buba nung goal ka ka agütsüba yong par teloki goal 3-0 agi Pereizie XI, Kohima telok madak pezübuba asaya akok.
September 25 nü asaya yamai alitsü:
Native Feathers, Ntuma, Peren vs Nagabazar Youth Org  @ 11:00 am
Poilwa Youth Org, Peren vs Headwinds FC, Kohima  @ 12:30 pm
Barak FC, Peren vs Sechü Zubza Youth Organization @ 2:00 pm