NBSE-i online ajanga Orientation Programme agitsü

Dimapur, February 12 (TYO): February 18, 2021 anepdang 10:00 ako nung Orientation Programme ka agitsü ta Nagaland Board of School Education (NBSE)-i metetdaktsüogo.
Iba sentong ya registered Institutions aser Middle Schools (Government & Private) atema lir aser NBSE portal nung agitsü ta parnokisa ashi.
Iba sentong nung NBSE portal nung forms, question papers aser fee payments uploading aser downloading asüba aser data entry atema NBSE offline software amshibatem sayutsü.
Iba sentong nungsa Class VIII nungi XII tashi online ajanga kaketshirtem indang temetettsü agütsüba sayutsü. NBSE kübok Class VIII tashi aliba Reju ajak (Middle Schools (Govt. & Private dena) iba Orientation Programme nung adentsüla, ta NBSE-isa metetdaktsüogo.
Heads of Registered Institutions-i tesayur ka mesüra office assistant ka NBSE portal nung School ID ketdangsütsü atema tenüng agütsütsü mepishia metetdaktsüogo.
Iba Orientation Programme ya online ajanga agitsü anungji rejutemi internet connectivity aliba desktop computer/laptop amshitsüla. Iba sentong atema ID aser Passcode ji District WhatsApp teloktem ajanga yoktsü, ta NBSE-isa metetdaktsüogo.