Longleng nung metsüjang lema agütsü

Longleng, Tsüklai/February 26, 2021 (TYO): Fostering Climate Resilient Upland Farming System (FOCUS) Nagaland tawabangba kübok Longleng nung metsüjang lema agütsüba sentong ka agi. Iba maparen ya International Fund for Agricultural Development (IFAD) ajanga teyari agütsür.
FOCUS: IFAD, Longleng indang DAO aser DPM S. Yongchang Phom-i, ‘food sector’ nung tangar dak memetaloki pei sasa inyakteta peria alitsü asoshi aluyimertem ajungshia liasü. Paisa aluyimertem dang, mongpu ka atemba sülen, aruya aliba mongpu atema metsüjangtem bendena ayutsü aser tsünüsembongtsü tajungba/timba adokdaktsütsü atema ‘crop cutting’ inyakyim tendangtsüla ta aluyimertem dang ashi.
Iba project tenzükba mapang nungi aluyimer nüngdakba asadanga Kharif aser Rabi metsüjang tajung agüja parnok maparen nung nungitba atema aluyimertemi project dang pelaba metetdaktsü.