COVID-19 Nagaland: Nisung 9 dang anepaludar

Kohima, February 26 (TYO): Hokolbarnü Nagaland nung nisung ka dak danga COVID-19 aliba meputet aser nisung 4 taneptsü angu. Tang parnok nisung 9 anepaludar.
“Tanü nisung shinga dak-a COVID-19 meputet. Külen nisung 4 taneptsü nguogo. Parnokji Kohima nungi 3 aser Dimapur nungi 1 lir” ta Health & Family Welfare Minister, S Pangnyu Phom-i metetdaktsü.
Nisung 12,198 rongnungi 11,946 taneptsü nguogo, ta paisa ashi.
Nagaland nung taneptsü angurji 97.93% lir, ta Health & Family Welfare Director, Dr Denis Hangsing-ia COVID-19 bulletin nung ashi.
Nagaland nung COVID-19 puteter nisung 91 asü saka parnok 10 bo tanga timtem ajanga asü. Maneni, nisung 152 tashi tanga state temi ogo, ta paisa metetdaktsü.
“Tanü tashi nung Nagaland nung COVID-19 alitsü akok ta temolung melemi bilemba sample 1,29,926 tendangogo. RT-PCR ajanga sample 74,710, TrueNat ajanga 37,344 aser Rapid Antigen Test ajanga 17,872 tendang” ta Dr Hangsing-isa ashi.