AR-i Ngwalwa nung Medical Camp ayongzük

Peren, Tsüklai/February 28, 2021 (TYO): HQ IGAR (North) tawabangba kübok Jalukie Battalion indang Assam Rifles-i Hokolbarnü (26.02.2021) Ngwalwa village, Peren District nung Medical Camp ka ayonga agiogo.
Iba medical camp sentong nung Assam Rifles medical team-i yimer ajak medical check up achaayanga agi. Kasa mapang team-i yimertem dang tang ama tensa (Covid-19) mapang temang anema aser merük mejua alitsü asoshi inyakyim balala tongmelang agi rasa ashi aser parnok temang nung timtem balala den apet nüngdakba mozütem agütsü.
Iba medical camp nungi tetsür 161, tebur 122 aser tanur 84 densema yimer 367 shi ajangzükogo.
Tang ama tensa tamajungdang, meimchir asoshi bilemja aser nüngdakba teyari agütsüba asoshi Ngwalwa yimertemi Assam Rifles dang pelaba metetdaktsüogo.