AR-i prangpong-injang sayu

Kohima, Metsüremi/March 01, 2021 (TYO): HQ IGAR (North) tawabangba kübok 1 Assam Rifles Lushai Battalion-i Hokolbarnü (26.02.2021) Kohima nung NCC Cadets dang prangpong-injang sayu.
Prangpong-injang sayuba sentong nung 1 Naga Girls indang Commanding Officer Col AH Khan den NCC Officer aser Senior Division – 24 Nagaland (I) Coy aser senior wings – 1 Naga Girls Bn of Kohima NCC Group nungi NCC cadets 200 agi tejangrar tulu nung shilem agiogo.
1 Assam Rifles Lushai Battalion indang instructor temi Cadets dang Indian Army-i prangpong-injang balala amshiba indang rasa ashi. Prangpong-injang sayuba sentong ajanga cadets aikati Armed Forces nung adentsü asoshi tejangraba sayuogo.
Prangpong-injang sayuba sentong nung NCC Cadets tem senzüsembongtsü aser parnok nem süngo jemtsü anepalutsüba atema Brig K Venugopal, SM, Group Commander Kohima NCC Group tenüng nung Col Daniel Lotzem Commander Officer, 24 Nagaland (I) Coy NCC Kohima-i Col UC Sati, Commanding Officer aser 1 Assam Rifles Lushai Battalion nung rank ajak dang pelaba metetdaktsüogo.