COVID-19 Nagaland: Shinga dak meputet; Taneptsü angura maliasü

Kohima, March 2 (TYO): Mongulbarnüa Nagaland nung nisung shinga dak-a COVID-19 aliba meputet aser ano taneptsü angura maliasü.
“Tanü COVID-19 putetba mesüra taneptsü angur ka danga maliasü” ta Health & Family Welfare Minister S Pangnyu Phom-i metetdaktsü.
Nisung 12,200 rongnungi 11,949 taneptsü nguogo aser tang parnok 7 anepaludar, ta paisa ashi.
Nagaland nung COVID-19 nungi taneptsü angubaji 97.94% lir, ta Health & Family Welfare Director, Dr Denis Hangsing-ia ashi.
Nagaland nung COVID-19 puteter nisung 91 asü saka parnok 10 bo tanga timtem ajanga asü. Maneni, nisung 153 tashi tanga state temi ogo, ta paisa shisem.
“Nagaland nung COVID-19 alitsü akok ta temolung melemi bilemba sample 1,30,743 tendangogo. RT-PCR ajanga sample 74,774, TrueNat ajanga sample 37,351 aser Rapid Antigen Test ajanga sample 18,618 tendang” ta Dr Hangsing-isa metetdaktsü.