India nung ‘Azadi Ka Amrut Mahotsav’ amungtsü

Dimapur, Metsüremi/March 3 (TYO): Chief Secretary of Nagaland, J Alam, IAS-i sangdong ka ajanga, India sorkari India nüjiso ngur küm 75 ajungba nüngdem nung national aser international jenjang nung ‘Azadi Ka Amrut Mahotsav’ sentong ayongzüka amungtsü, ta metetdaktsü. India Ato Kilonser-i March 12 nü Gujarat nung iba sentong tenzüktsütsü, ta pai ashi.
Iba dak sendakba nung Chief Secretary-i March 3 nü State Government Departments balala nungi ketdangsertem den senden ka ayongzüka menogo. Alam-i ashiba agi, iba sentong ya 2022 August 15 matong tsüngda hopta 75 lia tenzüktsü aser iba dak ajemdaker 2021 March 12 ya sentong tenzükba anogo asütsü shimogo.
Paisa, iba anogo Azadi Ka Amrut Mahotsav’ mesera ‘India@75’ sentong ya State aser Union Territories ajak nung tenzüktsü ta ashi.
Senden nung linük ajunga den jangyumedema Nagaland nunga March 12, 2021 nü state yimtiba nung India@75 sentong agitsü telemtetba agi. Senden nungsa taruba hopta 75 atema sentongtem calendar ka yanglutsü telemtetba agi.