Mokokchung nung Food safety awareness sentong agi

Dimapur, Metsüremi/March 03 (TYO): Mokokchung Municipal Council ajanga Food Safety  Branch, Chief Medical Officer Office, Mokokchung den lungjemer shi amshiba nung tali rangloker Food safety and quality control indang awareness sentong ka MMC Conference Hall, Mokokchung nung March 3, 2021 nü agia liasü.

Iba sentong nung Shashank Pratap Singh, ADC & Administrator, MMC menden liasü, shibai sentong nung adenertem pelashishia agizük aser shi achiba ya kibong shia kanga tongtipang aser nüngdakba yimya ka lir, anungji shi ayokba tesemtem müreka ayutsü aser life stock certification ajaki amshitsüla, ta ashi.Merenlemba Ao , Designated Officer, Food Safety, Mokokchung ajanga

food safety and quality control dak sendakba nung ajemdaker, talisa shi agi yangluba chiyongtsütem indang onük nung jembia liasü.

Pai shi ayokba tesem amenokba, osettsüset amshiba, belenshiba, mesen azüokba, shi amshirtem mürekmejuba amala indang jembia liasü.  Dr. B.M.Sunep, CVO, Mokokchung ajanga shi müreka amshiba indang jembi aser Lanu Tsuknung, Implementing Agency, MMC Abattoir ajanga kasa onük nung jembia liasü.

Iba sentong nung shilem agirtem ya shileper, shi ayoker, AWUM Office Bearers, Managing Board Members ajak (MMC Abattoir), Village Council Chairman aser Mokokchung, Ungma, Chuchuyimpang & Khensa yimtsüngtem shia nungi züngsem kaka liasü.

Sentong nung adenertem sensaksemba den külemi onsite registration agia aser license agüja sentong tembang.