COVID Nagaland: Nisung 5 dak putet

Kohima, March 3 (TYO): Anogo ananü nisung shinga dak meputet arur Bodbarnü Nagaland nung nisung 5 dak COVID-19 aliba putetogo.

“Tanü Kohima nung nisung 5 dak COVID-19 aliba putet” ta Health & Family Welfare Minister, S Pangnyu Phom-i ashi.

Nisung 12,205 nungi parnok 11949 taneptsü nguogo. Nagaland nung COVID-19 nungi taneptsü angubaji 97.90% lir, ta paisa metetdaktsü.

“Nagaland nung tang nisung 12 anepaludar. COVID-19 puteter nisung 91 asü saka parnok 10 bo tanga timtem ajanga asü aser nisung 153 tanga state temi ogo” ta Health & Family Welfare Department, Dr Denis Hangsing-ia COVID-19 bulletin nung metetdaktsü.