Saksalemang

“Anungji tangartem amaji asenoki memejangli saka asenoki saksalema kümdanga lidi.” I Tesalonika 5:6

Yisu Gethsemane atsüki nung sarasademer arudang pai nütsüngtem amua orr angu. Nenoki ghonda ka kü den saaka meliteter no? ya asüngdang, shih nung mejanga aoba indang jembir masü. Saksalema kümdanga alitsüji tensa mapang tia ajak nung tanela tashi itda lira tashi tait ochi, temeim, kuliji shitettsü. Yisu nütsüng mapang kabo kodang tsükchir-i arua Yisu apu iba mapang jenshitsüsa aküm. Ano aji dang masü Yisu sülen anidaker ta-a meshitet, sen-ang tuluba kümdaktsü. Tanü asenok tamanger yamala kar mesükba lir asü?
Yisu sülen anidakerji na aser ni tanü tamangertemji lir. Alima majungba indang jembir, alima teraksa indang jembir. Saka item indangji shirnoki inyaktsü. Saksalema alirtemi inyaktettsü, alima mazüngi liaka sarasademtsü, külemtsüji mezüng südaktsüra, alima raksabaji-a tashi itda, tasü itda inyaktettsü takoktsü lir. Tsüngrem asenok asoshi lira asenok anema shiba lir? Rom 8:31
Sarasadem
Ni tamanger ka ama mapang ajak nung saksalema alitsü oh Kibuba nai ni yariangma. Amen