AR aser Army longjemer medical camp ayongzük

Dimapur, Rongchii/April 09, 2021 (TYO): Op Sadhbhavna Project shilem ama, Hokolbarnü (09.04.2021) Pungro Town, Kiphire District nung HQ IGAR (N) kübok Assam Rifles indang Kiphire Battalion-i veterinary aser medical checkup camp ayongzük, ta sangdong ka ajanga metetdaktsü.
Mobile Field Veterinary hospital, Rangapahar aser Pungro PHC nungi Vet Doctor & Medical Staff den longjemer iba camp ayongzüka liasü.
Kiphire District kübok temeküt yimtsüngtem aser Pungro arrtsülen aliba yimtsüng tem nungi camp nung denogo. An 1073 aser kiset shiruru 252 atema mozütem lema agütsü. Iba den külemi, azü (dog) 15 aser an 190 shi tashidak balala atema anepaluogo.
Shiruru anepaluba dak alaka, yimer 37 tashi temang anepalua aser parnok timtem den apet mozütem agütsü. Tang ama mapang, nübur nüngdakba ajiteta teyari agütsüba maparen yimertemi pelashishia agizük aser parnoki Assam Rifles den Indian Army danga pelaba metetdaktsüogo.