Dimapur nung dokan kiburtemi SOPs benshitsüla

Dimapur, April 9 (TYO): Linük nung COVID-19 kanga putetba nung ajemdaker Dimapur Municipal Council (DMC)-i dokan kiburtem aser shishilembar ajak dang COVID-19 inyakyim sülen anidaktsü metetdaktsüogo.
Dimapur nung dokan kiburtem aser shishilembartemi face mask enoktsüla, hand sanitizers amshitsüla aser nisung o nisung tsüngda tepila ayutsüla, ta DMC Administrator Albert Ezung-i sangdong ka nung ashi.
Paisa public dang COVID-19 nungi jenbua alitsü inyakyim lateta aliba sülen anidaktsü mepishia metetdaktsüogo.