AKTK-i COVID jem agitsü mepishir

Kohima, Aami/June 21 (TYO): Tang asenok amokmerena aliba COVID-19 tashidak wara ya akoktsü asoshi state nung nisung ajaki Covid jem agitsüla, ta Ao Kaketshir Telongjem Kohima ajanga sangdong ka nung nüburtem dang mepishia metetdaktsüogo.
Nisung aikati Covid-19 mozü jem agitsüba ya nungnanger, saka Covid tashidak wara nokdangtsü asoshi tongtibangtiba teinyaktsüji nisung ajak covid jem agitsüla ta AKTK-isa metetdaktsü.
Tang ya Covid-19 wara mopong tanabenbuba aruba agi asenok kangshir aser iba dang nungi tesashiba ano tasembuba kasa wara mopong ya arutsü menua mali, anungji asenok tang dang nungi tekümdangba kümdanga alitsü nüngdaker ta kakeshir telongjemisa metetdaktsüogo.