Dimapur, Aami/June 21 (TYO): Lanurtem dak rangloker yangluba New Education Policy 2020 nung tesayuba yimya nung temelenshi bener aruba metetjemtsü mechi Nagaland Board of School Education ajanga Heads of Institutions aser tesayurtem dang Orient Blackswan Private Ltd nung Educationists nübu tejen temi Webinar balala ayongzükba nung adentsü jaokogo.
Item webinar indang link ya district WhatsApp group tem aser Board indang portal nbsenl.edu.in nung lemsatsü. Sl. No 5 nungi 7 atema anogo aser mapang ya tesülen district WhatsApp group, Board indang portal nbsenl.edu.in nung lemsateptsü.
Educator aser tesayurtem iba webinar series nung adenba ajanga sentong tasenba tali jangjatsü aser kaketshir dak rangloker shisaliok sayutsü teimla lir, ta sangdong ajanga ashi.
Ajungji Heads of Institutions temi tesayurtem dang iba webinar nung shilem agia NEP 2020 indang policy temelenshi angatettsü ajungshitsü mepishir, ta sangdong ajangasa ashi.
NEP 2020 indang webinar yimyatem yamai alitsü:
NBSE ajanga tesayurtem webinar nung adentsü jaoker added by nungsang on
View all posts by nungsang →
You must be logged in to post a comment Login