Centre aser state sorkartemi dang tax agitsü akok: OSD & Interlocutor

Dimapur, June 21, 2021 (TYO): Centre mesüra state sorkar dak dang tax agitsü tashi lir ta OSD to Government of India & Interlocutor for Naga Peace Talks, Gurmeet Singh-i ashi.
Tawa tu NSCN-IM-i sensotem dang nungi tax sarutsü temeten lir aser yimten olemtep nung India sorkar tenüng nung adenertemi iba temetenji agizükogo ta osang ka sangdonga liasü.
“Iba ama osang tai sangdongba ajanga nübortem tsüngda terata adokdaktsütsü. Tax agiba ya tashi tulu ka lir aser iba ya India sorkar mesüra state sorkari dang inyaktsü akok” ta Gurmeet Singh-i tanü sangdong ka nung ashi.
“Sorkartem dak alaka tanga teloki tax agiba temeten India sorkari magizüker. Tashiyim agi sen sarubaji ozüngi memelaba mapa ka lir aser ozüng tapet kübok temerenshi lir. Yimjung maparen nung adenba Naga telungpur telok ajaki iba ama sen mesarutsü atema nangzüka lir” ta paisa ashi.
Sorkar kati pei sensotem dang nungi tax bendenbaji ozüng alema masü aser onoki tashiyim agi sen saruba magizüker ta taoba mapang NSCN-IM-i tax agiba