F & CS ajanga metetdaktsür

Dimapur, Chiteni/July 02 (TYO): Additional Director Food & Civil Supplies, Sentirenla Longkumer ajanga NFSA nungi tajangzük agir aser stakeholders ajunga dang sangdong ka nung, GoI, MoCA, F & PD ajanga PMGKAY (Phase-IV) kübok ano ita pongu (July 2021 nungi November 2021 tashi) atema PHH & AAY kübok ration card bena alir nem angati jang agütsütsü lemzüktsüogo, ta ashi.
Direct Benefit Transfer (DBT) kübok awabanga alirtem densema PHH & AAY kübok aliba ration card alir nisung shia nem ita shia jang seret pongu agütsütsü. Ibai ita shia NFSA kübok jang lemzükba ama alitsü, ta sangdong ajanga ashi.