COVID-19 Nagaland: Nisung 25,382 nungi 22,897 taneptsü nguogo

Kohima, July 2, 2021 (TYO): Nagaland nung Hokolbarnü COVID-19 agi shiranger nisung 116 tashi taneptsü angu aser 77 dak putet.

“Tanü nisung 77 dak COVID-19 putet. Parnokji Dimapur nung 32, Kohima nung 16, Mokokchung nung 15, Wokha nung 4, Phek o Tuensang nung asemsem (3) aser Mon o Zunheboto nung anana (2) lir. Parnok züngsema nisung ajak agi 25,382 kümogo” ta Integrated Disease Surveillance Project atema State Nodal Officer, Dr Nyanthung Kikon-i ashi.

Maneni tanü nisung 116 taneptsü angu. Parnokji Dimapur o Mokokchung nung metsür tiii (28), Kohima nung 16, Tuensang nung 15, Zunheboto nung 14, Longleng nung 7, Mon nung 4, Phek nung 3 aser Peren nung 1 lir. Parnok züngsema taneptsü angur 22,897 kümogo” ta paisa metetdaktsü.

Tanü taneptsü angurtem züngsema Nagaland nung taneptsü angur 90.20% kümogo aser tang nisung 1,280 anepaludar, ta Dr Kikon-isa ashi.

Nagaland nung COVID-19 alitsü akok ta temolung melemi bilemba sample 2,28,893 tendangogo. RT-PCR ajanga 98,139, TrueNat ajanga 62,102 aser Rapid Antigen Test ajanga 68,742 tendang, ta Dr Kikon-isa ashi.

“Brihostibar tashi nung nisung 4,53,092 nem COVID-19 vaccine indang dose 5,17,598 agütsüogo,” ta State Immunization Officer, Dr Ritu Thurr-ia ashi.

Vaccine agirtemji frontline workers 60,174, healthcare workers 15,811, arishi küm 45 ser temapur 1,53,038 aser arishi küm 18 nungi 44 tsüngda alir 2,24,069 lir, ta paisa ashi.

“Vaccine agirtem rongnungi nisung 64,506-i dose anaprong agiogo. Parnokji frontline workers 29,142, healthcare workers 10,595, arishi küm 45 ser temapur 24,752 aser arishi küm 18 nungi 44 tsüngda alir 17 lir” ta Dr Thurr-isa metetdaktsü.