COVID-19 Nagaland: 62 dak putet, 61 taneptsü angu, 2 asü

Kohima, July 19, 2021 (TYO): Hombarnü Nagaland nung nisung 62 dak COVID-19 aliba puteta nisung ajak agi 26,744 kümogo aser külen COVID-19 puteta alir nisung 2 asüba züngsema tasür ajak agi 530 kümogo.

“Tanü nisung 62 dak COVID-19 putet. Parnokji Kohima nung 22, Longleng nung 17, Dimapur nung 9, Mokokchung nung 6, Mon o Tuensang nung asemsem (3) aser Wokha nung 2 lir” ta Integrated Disease Surveillance Project atema State Nodal Officer, Dr Nyanthung Kikon-i ashi.

“Hombarnü COVID-19 puteta alir nisung 61 taneptsü angu. Parnokji Dimapur nung 21, Kohima nung 12, Wokha nung 7, Mokokchung o Tuensang nung trokrok (6), Longleng nung 4, Mon nung 3 aser Peren nung 2 lir. Parnok züngsema taneptsü angur ajak agi 24,321 kümogo” ta paisa ashi.

Nagaland nung COVID-19 nungi taneptsü angurji 90.94% lir aser tang nisung 1,147 anepaludar, ta Dr Kikon-isa ashi.

“Hombarnü Kohima aser Dimapur nung COVID-19 puteta alir nisung kaka asü aser tena züngsema tasür ajak agi 530 kümogo, saka nisung 14 bo tanga tashidak ajanga asü” ta paisa metetdaktsü.

“Nagaland nung COVID-19 alitsü akok ta temolung melemi bilemba sample 2,47,348 tendangogo. RT-PCR ajanga 1,00,802, TrueNat ajanga 65,254 aser Rapid Antigen Test ajanga sample 81,292  tendang” ta Dr Kikon-isa ashi.

“Deobar tashi nung nisung 5,55,145 nem COVID-19 vaccine indang dose 6,72,990 agütsüogo” ta State Immunization Officer, Dr Ritu Thurr-isa ashi.

Vaccine agirtemji frontline workers 60,488, healthcare workers 15,884, arishi küm 45 ser temapur 1,72,639 aser arishi küm 18 nungi 44 tsüngda alir 3,06,134 lir, ta pai ashi.

“Vaccine agirtem rongnung nisung 1,17,845-i dose anaprong agiogo. Parnokji frontline workers 34,943, healthcare workers 11,626, arishi küm 45 ser temapur 71,116 aser arishi küm 18 nungi 44 tsüngda alir 160 lir” ta Dr Thurr-isa metetdaktsü.