Mkg nung Awareness sentong ka ayongzüka agi

Dimapur, Mongputeni/October 22 (TYO): Department of Agriculture aser ATMA Mokokchung-i ayongzüka, Mission Organic Value Chain Development for North Eastern Region (MOVCDNER) – III (2020-2021) kübok Organic Food Production dak sendakba nung District Level Awareness sentong ka agiogo.

Technical session nung sustainable organic practices, tsüklu ayimba nung organic inyakyim aser organic products aser amshiyim indang sensaksema liasü. Sentong nung shisalen agütsürtemji DPO, LRD, Dr. Sashiyangba; DDAO, Dr. Lanunochetla aser ATM, ATMA, Shilunokdang Jamir nunger liasü.

Iba sentong ya AO, T. Mayang lenisüba nung agi aser sentong ayongzüka agiba indang DAO, Mokokchung-i lemsatep aser A.O Imtitemsu-i tepela anküp o jembia liasü.