Bangalore nung Northeast festival alitsü: Dr. Jitendra Singh

New Delhi, September 26, 2015: Honibar nü New Delhi nung Minister of State for Development of North Eastern Region (I/C), Prime Minister’s Office, Personnel, Public Grievances & Pensions, Department of Atomic Energy, Department of Space, Dr. Jitendra Singh-i “Northeast India Welfare Society” ketdangsertem ket nung Bengaluru nung ‘Northeast Festival’ anogo asemnü amungtsü sentong kaket agizükba noksa nung angur.  

New Delhi, September 26 (Agencies) : Taküm November 6 nungi Bengaluru nung anogo asemnü Northeast Festival amungtsü, ta Honibarnü Union Minister of State (Independent Charge) Development of North-Eastern Region (DoNER), MoS PMO, Personnel, Public Grievances, Pensions, Atomic Energy & Space, Dr. Jitendra Singh-i metetdaktsü.
New Delhi aser North India nung tongtipang tesemtem nung iba benjung takok ngua amungba sülen South India nunga iba benjung ayongzüka amungtsü, ta Dr. Jitendra-i ashi.
Tanü “Northeast India Welfare Society” nungi teshimtet nübo kar den ajurutepa senden ka agiba sülen pai iba osang metetdaktsü.
Ita tuku tejaklen pai Ministry ketdangsüa inyaktsü tenzükba sülen nungi tebilemba ana yur mapa inyaktsü tenzük. Kaji India ajunga den Northeast tesentaktep tajungba kümdaktsütsü asoshi aser ibaji DoNER Ministry indang Camp Secretariat nung ita shia state ajak nung senden agiba lir aser kaji linük tesem balalai Northeast osang belenshiba lir. Iba nung ajemdaker Bengaluru nunga NE benjung ayongzüka amungtsü, ta Dr. Jitendra-isa ashi.
Northeast toktsür tanüngba India nungertemi Northeast aser idakji aliba nübortem kanga junga metettsüla aser ano külen Northeast nungertemia India tesem balala indang meteta alitsü tim, ta paisa metetdaktsü.
Bengaluru Festival anogo asemnü amungdang sobaliba sentongtem, tourism displays, Business summits, seminar discussions, sports slots aser arts & craft shows nungertem alitsü, ta paisa shisem.
Iba benjungmung nung Northeast nung alirtem dang masü saka India tesem balala nung alirtemia sjhilem agitsü. Ibaji ajanga sobaliba balala meyokteptsü, ta Jitendra-isa ashi.
Northeast India Welfare Society nungi Dr. Simanta Sharma aser Kabir Hazarika nati ashiba agi, anogo asemnü sentong balala agiba nung mongin aser nüngtugu nisungtemi shilem agitsü.