Sensaker kaketshirtem asoshi angati computer angazükdak lapok

Honibarnü Grace colony nung MLA & Advisor, SI Sungit-i RSON Computer Institute lapoktsüdang o jembiba angur.

Dimapur, July 11 (TYO) : Honibarnü MLA & Urban Development Advisor, S.I. Sungit-i Grace colony (Firing range), Dimapur nung RSON Computer Institute lapoktsüogo.
Iba reju ya makamaiter kaketshir nem computer education angati sayutsü atema RSON Heart for Poor People Trust (RHPPT) ajanga lapoker.
Tanü sentong nung S.I. Sungit-i o jembidang, RHPPT nem tenüngsang agütsü.
Iba reju lapokba ajanga asen lokti tejakleni aotsü asoshi maongka tulu bener arutsür aser künü anogo iba reju ajanga state jenjang nung dang masü saka linük jenjang nung konang bener arutsütsü amanger, ta paisa shisem.
RHPPT chairman, Dr Roland Lotha-i anameta aliba colony aser yimtsüngtemi iba reju nungi maongka agitsü mepishia metetdaktsü.
Paisa, GB aser chairman nunger dang chichiba sensaker aser makamaiter kaketshirtem dang computer education angazüktsü atema tenüng agüjang ta shisem.