Meluri nung Weekly Bazaar tenzükogo

Dimapur, Tsüklai/February 04 (TYO): Department of Rural Development, Nagaland State Rural Livelihoods Mission, Meluri Block aser administrative department lungjemer Meluri nung February 4, 2022 nü Weekly Bazaar tenzüka liasü.

Meluri Sub-division nung aluyimer aser Pochury nüburtem ajungmesotsü aser parnok rongsenketzüng jenjang tajungba kumdaktsütsü nükjidong nung iba sentong ya tenzüka liasü.

Iba bazaar nung SHGs aiba tejangraba tulu nung arua shilem agir aser aluyimba nung ajemdaker osettsüset balala bendena hopta nung künü iba bazaar nung ayoker.

Iba bazaar lapokba sentong nung EAC Lephory, C. Tsalimse Sangtam aser Pochury Mother’s Association tir, Sürhothsü nati o tatsütsü jembia liasü.

Iba sentong nung Secretary BLF, Luozhiesü menden liasü aser sentong nung nübur lenirtem aser Meluri Block nungi SHG züngsemtem dena liasü.