RPP-i President’s rule atema online signature campaign tenzükogo

Dimapur, July 22, 2022 (Agencies): Nagaland nung President’s rule benoktsü atema Rising People’s Party (RPP)-i online signature campaign ka tenzükogo.

RPP-i online portal change.org ajanga signatures 10,000 shi angutsü atema online campaign tenzük ta sangdong ka nung metetdaktsü.

Parnoki petition campaign ajanga signatures bendentsü aser ibaji Prime Minister Narendra Modi dangi abentsü ta RPP-isa ashi.   May 12, 2022 nü RPP-i India sorkar dang Nagaland nung President’s rule benoktsü atema shidi ka zülu aser iba ya Nagaland indang financial emergency nung ajemdaker liasü.

Iba sülen nungi tensa tamajungba kümogo aser RPP-i public timtemba tenüng nung President’s rule benoktsü akhanger, ta RPP-isa ashi.

United Democratic Alliance teloktep sorkar kübok senotsü tim mesüi amshiba aser ochimashi inyaker aser iba jagi Nagaland nung President’s rule nüngdaker. Nagaland nung timtemba public-i link https://chng.it/pKTg6bBJ nung sign asüba ajanga Nagaland tajungba akümtsü, ta parnokisa metetdaktsü.

SDGI index of NITI Aayog 2021 ajanga Nagaland ya wadang trok- poverty, health, affordable energy, sustainable cities, industries aser minfrastructure kübok Worst Performing State ta sangoktsüogo.

Ano, NITI Aayog 2022 ajanga State Energy and Climate index (SECI) nung Nagaland ya worst performing state lir. India nung state aser UT 35 rongnung Nagaland jenjang 33 buba nung lir. Nagaland nung deficit budget lir aser 2022-23 atema deficit ji Rs 2212.74 crore lir. Nagaland sorkari mapa inyaker lakh 1.30 nem itasen magütsüteter, ta RPP-isa ashi.

Northeast region nung Nagaland University ta tamajungtiba lir aser National Institutional Ranking Framework (NIRF) nung 151-200 band kübok dena lir.  July 21, 2022 nü sayaba NITI Aayog India Innovative Index 2021 nung Nagaland ya NE nung state tamajungtiba ta shia lir, ta RPP-isa ashi.

Nagaland High Court ya küm 15 tashi yanglua aruaka ano merenem aser India nung medical college maliba state ji Nagaland dang lir, ta parnokisa ashi.