U-17 Subroto Mukerjee: IGS tsürtem semifinal nung tsükogo

Kohima, September 28 (TYO): Indira Gandhi Stadium (IGS) Sports Academy Football Girls team-i tang tasayadak tetsür U-17 Subroto Mukerjee semifinal asaya nung tamakok ajuruogo.
Yashi Deobar nü Manipur tsürtem den asayba semifinal asaya nung par telok anapronglai goal 2-2 agüja draw nung tembangba yong takoker shimtettsü asoshi tie-breaker metsüteptsüa aküm.
Aji oda, tie-breaker metsütepba sülen Manipur tsürtemi goal 4-2 agüja IGS tsürtem semifinal asaya nung tsükdaktsü.