Abu Metha-i Kolkata nung American Centre semdang

Dimapur, Aami/June 09 (TYO): Advisor to Chief Minister & Chairman, Investment & Development Authority of Nagaland, Abu Metha-i June 9, 2023 nü Kolkata, West Bengal nung aliba American Centre semdanga liasü.

Chairman, TaFMA, Theja Meru dener Abu Metha-i Adrian Pratt indang director Sameek Gosh aser Aishiwarya Mondal ajurua liasü. Pai iba mapang education, exchangers aser entrepreneurship densema department balala nungi ketdangsürtem den sensaksema liasü.

Centre ajanga Nagaland aser North East nung sentong balala ayongzüka agiba atema Metha-i US sorkar dang pelaba lemsatepa liasü.

Iba senden nung Metha-i jembidang Nagaland nung maparen balala inyakba aser tarutsü nung külemi inyaktsü lenmang aliba indang US sorkar ketdangsür dang ashi.

Iba mapang shisaliok, tajemzükba jenjang nung aliba tanurtem asoshi maongka, aser ano sports, culture, music aser arts amala nung sentong balala indang jembia liasü.

TaFMA chairman, Theja Meru-ia iba senden nung TaFMa kübok sentong balala indang lemsatepa jembishinü aka aser tarutsü nung music, arts aser culture tsütsü külemi inyaktsü indang jembia liasü.

Abu Metha aser Theja Meru tenaprong US State Department indang International Visitor Leadership Program (IVLP) nung züngsem liasü.