New Delhi, July 05 (Agencies): 2019 küm lokti kati Tabrez Ansari tepsetba ken o nung aibelener nisung 10 prongla küm 10 tepuokdak ayutsü obendang agütsüogo.
Bodhbarnü court kati Indian Penal Code (IPC) kübok Arrla 304 nung ajemdaker parnok nem temerenshi obendang agütsü.
Jharkhand nung aliba Seraikela court-isa aibelenertem dang senchi 15,000 achi.
June 27, 2023 nü court-i iba ken o nung nisung 10 aitsüba sülen Public prosecutor, Ashok Kumar Rai-i, temerenshi obendangji July 5 nü agütsütsü, ta metetdakja liasü.
Iba ken o nungsa tai tonglokja alir, Kushal Mahali bo ken o angadanga aruba mapang süadok aser tai tonglokja alir anabo kuli tejangja manguba agi chiok, ya Rai-i metetdaktsü.
Ansari tepsetba ken o nung aitsür nisung terji – Bhim Singh Munda, Kamal Mahato, Madan Nayak, Atul Mahali, Sunamo Pradhan, Vikram Mandal, Chamu Nayak, Prem Chand Mahali aser Mahesh Mahali nunger lir.
2019 küm June 17 nü Jharkhand nung Seraikela kübok Dhatkidih yimdak lokti jagi, Ansari-i motorbike auyatsü merang ta tai tonglokja insang agi züka liasü.
Ansari ya Pune nung aayanger aser merang rongteper ka liasü, saka pa par kidang Eid benjung amongtsü atema Dhatkidih yimdaki oa aliba mapang nung zükset.
Ansari tepsetba ken o nung aibelenertem küm 10 tepuokdak ayutsü added by nungsang on
View all posts by nungsang →
You must be logged in to post a comment Login