Afghan sepaitemi ghonda 48 nung telungpur 216 kahset

Kabul, July 11 (Agencies): Afghan army temi telungpur mita aoba mapang telungpur 216 kahsetogo.
Honibar nü iba osang metetdaktsüba mapang ministry-i ashiba agi, item operation ya linük nung Kunar provinces, Laghman, Kapisa, Maidan Wardak, Ghazni, Paktia, Urozgan, Daikundi, Kandahar, Takhar, Kundoz aser Helmand tesemtem nung ghonda 48 tashi agia liasü.
Afghan media-i sangdong ka ajanga ashiba agi, iba operation tulu agiba mapang telungpur nisung 216 kahset aser nisung 142 yiruogo.
Kasa osang ajanga ashiba agi, operation agidang, ali nung bomb rema yuja aliba aser telungpur den kahtepdang Afghan National Army nungia nisung 12 asü.
2001 küm Washington-i “War on terror” yimyim nung ajemdaker US-i anir tanga linük sepaitemi raraba anener tatsüka lir külen Taliban teloki tang Afghanistan nung maneni timtem agütsüba ajanga linük animesüngzükteti lir.
US-i aniba ‘combat mission’ December 31, 2014 nü anen, ajisüaka Afghanistan nung tang tashi tanga linük sepaitem 13,500 tashi lir. Item sepaitem ya timba ka US nungi lir aser parnok dang Washington-i ‘support mission’ ta ajar.