ECI-i Electoral Bonds alizükertem osang lemsatep

New Delhi, March 15, 2024 (Agencies): State Bank of India (SBI)-i data agütsüba nung ajemdaker Election Commission of India-i parnok indang website nung Electoral Bonds indang osang lemsatepogo.

ECI-i PDF files balala ana nung Electoral Bonds dak sendakba osang metetdaktsüogo aser mezüngbuba list nung linük nung company aika tenüng lir.

Tanabuba list nung Electoral Bonds aliba kija tenüngtem shia lir aser sen teimtiba tenla agütsürtem rongnung Future Gaming and Hotel Services Private Limited temaba jenjang nung lir. Iba company-i political party balala nem Rs 1,368 crore tashi Electoral Bonds tenla agütsüogo.

March 2022 nung Enforcement Directorate-i Future Gaming anema bushisüngdanga liasü aser parnoki company balala ana kübok Electoral Bonds alizük.

ECI-i lemsatepba osang ajanga company aser kija 1,260-i Rs 12,769 crore jenjang Electoral Bonds alizükogo.

Iba list nung steel businessman Lakshmi Mittal nungi billionaire Sunil Bharti Mittal’er Airtel, Anil Agarwal’er Vedanta, ITC, Mahindra & Mahindra, Future Gaming and Hotel Services ajanga Electoral Bonds nunger dena lir.

Supreme Court-i ECI dang March 15 tashi nung iba osang lemsateptsü tetuyuba agüja liasü.

State Bank of India (SBI)-i Supreme Court tsüngdang affidavit ka agütsüba nung April 1, 2019 aser February 15, 2024 tsüngda donors-i electoral bonds 22,217 alizükba osang shia lir.

Iba nungi Rs.12,769.40 crore alangba bonds 22,030 tashi political parties keti ao.

April 2019 nungi taküm January tsüngda BJP-i electoral bonds teimtiba angu aser March 2023 tashi nung party temi election bonds nungi sen anguba nung BJP-i Rs.6,060 crore shi angu.

Sen teimtiba anguba tanabuba political party ji Trinamool Congress (Rs.1,609.50 crore) liasü. Külen India nung opposition tongti Congress-ia Rs.1,421 crore angu.

Highest Individual Donors

1. SN Mohanti Rs 45 Crores
2. Laxmi Niwas Mittal Rs 35 Crores
3. Laxmidas Vallabhdas Ashmita Rs 25 Crores
4. KR Raja Jt Rs 25 Crores
5. Rahul Bhatia Rs 20 Crore
6. Rajesh Mannalal Agrawal Rs 13 Crore
7. Saurabh Gupta Rs 10 Crore
8. Raj Kumar Sharma Rs 10 Crore
9. Rahul Jagannath Joshi Rs 10 Crore
10. Harmesh Rahul Joshi Rs 10 Crore
11. Anita Hemant Shah Rs 8 Crore