NE yimtsüng 6-i Best Tourism Villages angu

Guwahati, September 27, 2024 (Agencies): Union Ministry of Tourism-i Hokolbarnü World Tourism Day tenüng nung Best Tourism Villages Competition 2024 takokertem metetdaktsüogo.

Best Tourism Villages Competition ya 2023 nungi tenzüka agütsür. India nung yimtsüngtem nung tourism ajungkettsü nükjidong nung iba sempet agütsür.

Taküm tetoktepba asoshi state aser union territory 30 nungi applications 991 aru aser iba nungi telemsa 8 nung yimtsüng 36-i sempettem nguogo.

Yimtsüng 36 rongnung Northeast nungi 6 dena lir aser yimtsüngtemji Assam, Mizoram, Tripura, Manipur aser Meghalaya nungi lir.

Assam nung Kamrup district kübok Sualkuchi yimtsüng nem craft atema sempet agütsü. Mizoram nung Aizawl district kübok Sialsuk-i community-based tourism category aser West Tripura district kübok Alpana Gram-i community-based tourism category nung sempettem angu.

Külen, Manipur nung Imphal East district kübok Andro yimtsüngi heritage, Meghalaya nung Ri Bhoi district kübok Umden-i craft aser Mawphlang-i heritage atema sempettem angu.